img/728x90.jpg
img/728x90.jpg
ஈரான் மீதான பொருளாதார தடைகளை நீக்கினால் அமெரிக்காவுடன் பேச்சுவார்த்தை நடத்தத் தயார் - ஈரான் ஜனாதிபதி ஹசன் ருஹானி அறிவிப்பு!

ஈரான் மீதான பொருளாதார தடைகளை நீக்கினால் அமெரிக்காவுடன் பேச்சுவார்த்தை நடத்தத் தயார் - ஈரான் ஜனாதிபதி ஹசன் ருஹானி அறிவிப்பு!

ஈரான் மீதான பொருளாதார தடைகளை நீக்கினால் அமெரிக்காவுடன் பேச்சுவார்த்தை நடத்தத் தயாராக இருப்பதாக அந்த நாட்டின் ஜனாதிபதி ஹசன் ருஹானி அறிவித்துள்ளார்.

அணுவாயுத பரவலை தடுக்கும் விதமாக ஈரானுடன் வல்லரசு நாடுகள் ஏற்படுத்திக்கொண்ட அணுசக்தி ஒப்பந்தத்தில் இருந்து அமெரிக்கா கடந்த வருடம் மே மாதம் வெளியேறியது.

அமெரிக்காவின் இந்த அதிரடி நடவடிக்கை இருநாடுகளுக்கும் இடையேயான மோதல் போக்கை அதிகரித்துள்ளது. ஈரான் மீது அமெரிக்கா கடுமையான பொருளாதார தடைகளை விதித்தது. அதற்கு பதிலடியாக அணுசக்தி ஒப்பந்தத்தின் நிபந்தனைகளை மீறி செறிவூட்டப்பட்ட யுரேனியத்தின் கையிருப்பை ஈரான் உயர்த்தியது.

இருநாடுகளுக்கும் இடையில் தொடர்ச்சியாக மோதல் போக்கு நீடிப்பதால் மத்திய கிழக்கு பிராந்தியத்தில் பதற்றம் நிலவுகின்றது. இருநாடுகளும் பேச்சுவார்த்தையின் மூலம் பிரச்சினைக்கு தீர்வுகாண வேண்டும் என இங்கிலாந்து, பிரான்ஸ், ஜேர்மனி உள்ளிட்ட நாடுகள் வலியுறுத்தி வருகின்றன. அமெரிக்காவும் பேச்சுவார்த்தைக்கான கதவு திறந்தே இருப்பதாக கூறிவருகின்றது.

இந்த நிலையில் ஈரான் மீதான பொருளாதார தடைகளை நீக்கினால் அமெரிக்காவுடன் பேச்சுவார்த்தை நடத்த தயார் என ஈரான் ஜனாதிபதி நேற்று தெரிவித்துள்ளார்.

தனியார் தொலைக்காட்சி ஒன்றுடனான நேர்காணலின் போது இதுகுறித்து அவர் கூறுகையில், “நாங்கள் எப்போதும் பேச்சுவார்த்தைகளில் நம்பிக்கை கொண்டுள்ளோம்.

அமெரிக்கா பொருளாதார தடைகளை நீக்கி, திணிக்கப்பட்ட பொருளாதார அழுத்தத்தை முடிவுக்கு கொண்டுவந்து ஒப்பந்தத்திற்கு உடன்பட்டால், இன்றே, இப்போதே, எங்கு வேண்டுமானாலும் பேச்சுவார்த்தை நடத்த நாங்கள் தயாராக இருக்கிறோம்” என அவர் தெரிவித்துள்ளார்.